Avammut tunisanut kisitsisit
Siunertaq
Saqqummersitap siunertaraa piaarnerusumik aalisarnermiit avammut tunisartakkat tamanut paasissutissiissutiginissaat.
Imarisaa
Saqqummersitami ilaatinneqarput Kalaallit Nunaata aalisarnermi avammut tunisartagarisai pingaarnerit. Tassani pineqarput raajat, saarulliit, qalerallit, saattuat, nipisap suaalu. Tunisassiat allat assersuutigalugu suluppaakkat, qeeqqat, aalisakkat immap ikeraneersut, uiluiit, puisininngaaneersut, savaninngaaneersut uumasuillu allaneersut saqqummersitami taamaalillutik ilaatinneqanngillat.
Iluarsiissuteqarneq
Una saqqummersitaq iluatsillugu februarip 10-ani saqqummersitaq 2023-mi februaarimi aalisakkat avammut tunisaanerat iluarsiissuteqarfigineqarpoq. Iluarsiissut katillugu 19,6 mio. kr.-inik annertuseriarnermik kinguneqarpoq, iluarsiissutit januaarimut februaarimullu tunngasuupput taavalu raajanut, saarullinnut qaleralinnullu tunngasuullutik. Iluarsiissuteqartariaqalerneq pissuteqarpoq, Akileraartarnermut Aqutsisoqarfimmut nunanut allanut tunisinermi nalunaartussaatitaanermut tunngasut kingusinaartumik qarasaasianut ikkussuunneqarsimammata. Iluarsiissutit tabel 4-mi sukumiinerusumik misissuataarneqarsinnaapput.
Avammut tunisat nalingi 9,1 pct.-inik annertuseriarput
2023-mi januaarimiit marsimut avammut tunisat nalingi katillugit 879 mio. kr.-usimapput. Ukiup siulianut sanilliullugit 74 mio. kr.-nik annertunerupput, annertuseriarnerlu katillugit 9,1 pct.-iuvoq. Eqqaamaneqassaarli kisitsisit utaqqiisaagallaq naatsorsuinerummata taamaattumillu kingusinnerusukkut iluarsiiffigineqarsinnaallutik paasissutissat tamakkiinerusut pigineqalerpata.
Titartagaq 1. Avammut tunisat nalingat jan-mar, mio. kr.
Raajat
Raajat januaari-marsi 2023-mi avammut tunisaanerisa nalingat 2,1 pct.-imik annikilleriarsimavoq, tamanna 12 mio. kr.-nik naleqarpoq. Avammut tunisat annertussusaat 18,6 pct.-imik annikilleriarsimasoq akillu 20,2 pct.-inik qaffallutik.
Qalerallit
Qalerallit avammut tunineqartut nalingat 92,5 pct.-imik annertuseriarsimavoq, tunineqartut annertussusaat 60,1 pct.-imik annertuseriarsimasoq. Taamaalilluni kiilumut akit 20,3 pct.-inik qaffassimapput.
Saarulliit
Saarulliit avammut tunineqartut nalingat 37,8 pct.-imik qaffariarpoq, tunineqartut annertussusaat 21,0 pct.-imik annertuseriarsimallutik. Saarulliit avammut tunineqartut kiilumut akia 13,9 pct.-imik qaffariarpoq.
Saattuat
Saattuat avammut tunineqartut nalingat 45,0 pct.-imik annikilleriarsimavoq, tunineqartut annertussusaat 2,5 pct.-inik apparpoq. Kiilumut akia 43,6 pct.-inik annikilleriarsimalluni.
Nipisap suai
Nipisap suai avammut tunineqartut nalingat 98,0 pct.-imik annikilleriarsimavoq, tunineqartut annertussusaat 98,5 pct.-inik apparpoq. Kiilumut akia 35,8 pct.-inik annertuseriarsimalluni.
Titartagaq 2. Aalisakkat avammut tunisaanerat, mio. kr.
Najoqqutaq: https://bank.stat.gl/IENEXPMND
Titartagaq 3. Aalisakkat pingaarnerit avammut tunisaanerat qaammatikkaarlugu
Najoqqutaq: https://bank.stat.gl/IENEXPMND
Titartagaq 4. Pct.-inngorlugu allannguutit ukiup siulianut sanilliullugit, Raajat
Titartagaq 5. Pct.-inngorlugu allannguutit ukiup siulianut sanilliullugit, Saarulliit
Titartagaq 6. Pct.-inngorlugu allannguutit ukiup siulianut sanilliullugit, Qalerallit
Titartagaq 7. Pct.-inngorlugu allannguutit ukiup siulianut sanilliullugit, Saattuat
Titartagaq 8. Raajat qalipallit qalipaajakkallu kiilumut akiisa ineriartornerat
Najoqqutaq: https://bank.stat.gl/IENEXPMND
Titartagaq 9. Qalerallit suliareqqitat suliareqqitaanngitsullu kiilumut akiisa ineriartornerat
Najoqqutaq: https://bank.stat.gl/IENEXPMND
Titartagaq 10. Saarulliit suliareqqitat suliareqqitaanngitsullu kiilumut akiisa ineriartornerat
Najoqqutaq: https://bank.stat.gl/IENEXPMND